ចាប់តាំងពីចិនងើបឡើងក្លាយជាប្រទេសមហាអំណាចខាងសេដ្ឋកិច្ចទីពីរលើ
ពិភពលោករួចមក វិស័យឧស្សាហកម្ម
និងផលិតកម្មនានានៅក្នុងប្រទេសចិនបានកើនឡើងយ៉ាងផុសផុលជាលំដាប់
ឥតស្រាកស្រាន្ត ។ ដំណើរនេះបានធ្វើឱ្យប្រទេសចិនរីកមុខរីកមាត់
និងទទួលបានផលប្រយោជន៍យ៉ាងក្រាស់ក្រែលក្នុងវិស័យសេដ្ឋកិច្ច
ប៉ុន្តែជាអកុសល
ចិនក៏ទទួលរងមកវិញនូវឥទ្ធិពលអាក្រក់ពីការបំពុលបរិយាកាស
ដោយសារឧស្ម័នពុលដែលសាយភាយចេញពីចលនានៃគ្រឿងចក្រ
និងសារធាតុពុលផ្សេងៗទៀត ។
យោងតាមសារពត៌មានក្រុងសៀងហៃបានរាយការណ៍ឱ្យដឹងថា ថ្មីៗនេះខេត្ត
និងក្រុងមួយចំនួននៅក្នុងប្រទេសចិនបាននឹងកំពុងរងគ្រោះដោយសារផ្សែង
អព្ភពុលដែលកំពុងហោះត្រដែតនៅពាសពេញក្នុងបរិយាកាសយ៉ាងខ្លាំង
រហូតដល់ក្រសួងសុខាភិបាល និងក្រសួងបរិស្ថានចិន
ចេញសេចក្ដីប្រកាសអាសន្ន ឬកាតលឿងអំពីដំណើរដ៏អាក្រក់នេះ ។ កន្លងមក
ទីក្រុងប៉េកាំង និងក្រុងល្បីៗមួយចំនួនទៀត
តែងតែត្រូវបានយារយីដោយឧស្ម័នពុល
ដែលសាយភាយចេញពីរោងចក្រឧស្សាហកម្ម
និងយាន្តយន្តដ៏កកកុញនៅក្នុងប្រទេសរបស់ខ្លួន
ហើយឧស្ម័នពុលទាំងអស់នោះគឺមិនបានរសាត់ ឬបាត់ទៅណាឆ្ងាយឡើយ ។
ដោយសារតែកម្រមានភ្លៀងធ្លាក់ដើម្បីជួយលាងជម្រះ
ឬបក់យកឧស្ម័នពុលទាំងនោះទៅឱ្យឆ្ងាយ
ទើបរដ្ឋាភិបាលចិនបានសម្រេចឱ្យមានគម្រោងបង្កើតភ្លៀងសិប្បនិម្មិត
ដែលច្នៃឡើងដោយកាំជ្រួច
និងពពកសិប្បនិមិ្មតឱ្យទៅប្រមូលផ្ដុំនៅលើអាកាសដើម្បីបង្អុរ
ជាភ្លៀងធ្លាក់ចុះមក ។
ក្រៅពីរងគ្រោះដោយសារភាពកម្រមានភ្លៀងធ្លាក់នៅក្នុងផ្នែកមួយចំនួន
ប្រទេសចិនក៏កំពុងរងគ្រោះខ្លាំងដោយសារការឡើងកម្ដៅនៃភពផែនដីផងដែរ
ដែលសីតុណ្ហភាពនោះគឺនៅក្នុងកម្រិតពី៤៥-៥០អង្សាសេ
នេះបើតាមសេចក្ដីរាយការណ៍របស់សារពត៌មាន CCTV ។
ប្រទេសចិនគឺជាប្រទេសដែលកំពុងជាប់ឈ្មោះខាងបំពុលបរិស្ថានលំដាប់
ទីពីរលើពិភពលោកបន្ទាប់ពីសហរដ្ឋអាមេរិក ។
សូម្បីតែភ្លៀងសិប្បនិម្មិតក៏មិនអាចជួយប្រទេសចិនឱ្យរួចផុតពីឧស្ម័ន
ពុលបានផង តើនៅថ្ងៃខាងមុខប្រទេសចិននឹងក្លាយទៅជាយ៉ាងណា
ប្រសិនបើមិនមានវិធានការណ៍ និងយន្តការណ៍ណាមួយប្រកបដោយប្រសិទ្ធភាព
និងគតិយុត្តទេនោះ។
ដ្បិតតែប្រទេសចិនជាប្រទេសមហាអំណាចខាងសេដ្ឋកិច្ចប៉ុន្តែភាពគ្មាន
ការងារធ្វើ អំពើពុករលួយ ការរំលោភសិទ្ធ ភាពក្រីក្រ
បញ្ហាសុខុមាលភាពរបស់ប្រជាជនជាដើមនៅតែជាប្រធានបទដ៏ក្ដៅគគុក
សម្រាប់ប្រទេសផ្សេងៗទៀតយកមកជជែក
យកមកនិយាយជារឿយៗនៅក្នុងមហាសន្និបាតកំពូលៗ ៕
ប្រភពដើម: www.cool1007.com
This is a short description in the author block about the author. You edit it by entering text in the "Biographical Info" field in the user admin panel.
0 comments:
Post a Comment